Bas múftı jas qarıǵa avtokólik kiltin tabystady (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Syr eline jasaǵan jumys saparynda Qyzylorda oblysy boıynsha ótken Quran jattaý jáne mánerlep oqý baıqaýynyń 30 para boıynsha birinshi oryn ıegeri Shyńǵyshan Sadýovqa avtokólik kiltin tabystady.
«Quran – adamzatty sheksiz baqytqa jeteleıtin, týra jol kórsetetin, qııametke deıin ózgermeıtin máńgi muǵjıza. Quran – sońǵy paıǵambarlyqtyń dáleli, týra dinniń úni ári Islam sharıǵatynyń ata zańy. Quran oqyǵan adamnyń búkil bolmysymen ózgergenin baıqaısyń. Allaǵa shúkir, Dinı basqarma Quran jattaǵan qarılarymyzdy qoldaý maqsatynda júıeli túrde Quran baıqaýyn ótkizip keledi. Sonymen qatar ár meshitte bir qarı qyzmet etýi kerek degen bastamamyz da bar. Oblystyq irikteýden ótken qarılarymyzǵa respýblıkalyq jarystan júldemen oralýyn tileımiz», – dedi Naýryzbaı qajy Taǵanuly.
Aıta ketsek, oblystyq Quran baıqaýynyń jeńimpazdary respýblıkalyq jarysqa joldama aldy. Al qazan aıynda kıeli Túrkistanda respýblıkalyq Quran baıqaýy ótedi.
«Quran Kárimdi mánerlep oqý» nomınatsııasy boıynsha:
1-oryn: Súıindikov Ábilqaıyr (150 000 teńge);
2-oryn: Qalabaı Baǵdaýlet (100 000 teńge);
3-oryn: Bekmaǵanbetuly Bekqoja (70 000 teńge);
«Qurannyń 10 parasyn jatqa oqý» nomınatsııasy boıynsha:
1-oryn: Qojaǵulov Rahymjan (300 000 teńge);
2-oryn: Kenebaev Bolat (250 000 teńge);
3-oryn: Mınashov Tasbolat (200 000 teńge);
«Qurannyń 20 parasyn jatqa oqý» nomınatsııasy boıynsha:
1-oryn: Aıdarov Abdýlqadır (500 000teńge);
2-oryn: Zaıtjan Serjan (400 000 teńge);
3-oryn: Altaev Bekzat (300 000 teńge);
«Qurannyń tolyq 30 parasyn jatqa oqý» nomınatsııasy boıynsha:
1-oryn: Sadýov Shyńǵyshan (avtokólik);
2-oryn: Qaıýpov Islam (700 000 teńge);
3-oryn: Abjalov Azamat (600 000 teńge).
