Bas múftı juma namazynda jamaǵatqa ýaǵyz aıtty (FOTO)
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mańǵystaý oblysyna jasaǵan resmı saparynda Munaıly aýdanyndaǵy Baıandy aýyldyq meshitinde juma namazyn júrgizip, jamaǵatqa ýaǵyz aıtty.
«Qurmetti jamaǵat! Islam dini adamǵa jaqsylyq jasaýǵa úndeıdi. Alla elshisi (oǵan Allanyń salaýaty men sálemi bolsyn) qoǵamǵa paıdaly bolýdy ósıet etken. Biz, árqaısymyz jaqsylyq jasaýdy óz otbasymyzdan, aǵaıyn-týystan, aınalamyzdaǵy adamdardan bastaýymyz kerek. Sonda ǵana qoǵamda izgilik saltanat qurady. Mine, Alla juma namazyn oqýdy násip etti. Endeshe, meshitte sanıtarlyq talaptardy saqtaýymyz - aınalamyzdaǵy adamdarǵa jaqsylyq jasaǵanymyz» dedi Bas múftı Naýryzbaı qajy Taǵanuly.
Juma namazyna jınalǵan jamaǵat sanıtarlyq talaptardy saqtap, qulshylyǵyn ótedi.
