Bas múftı «Jýsan» boıynsha elge oralǵan áıeldermen onlaın júzdesti (FOTO)
QMDB Tóraǵasy, Bas múftı Naýryzbaı qajy Taǵanuly «Jýsan» operatsııasy arqyly elge oralǵan áıeldermen onlaın júzdesti.
Is-sharany QMDB Dinı ońaltý bólimi uıymdastyrdy. Onlaın júzdesýge «Jýsan» operatsııasy arqyly elge oralǵan 70-ke jýyq áıel qatysty.
Bas múftı júzdesýde jaza basyp jyraq ketip, elge aman oralý Allanyń bergen syıy, memlekettiń qamqorlyǵy ekenin atap ótti. Jýsandyq áıelderdiń suraǵyna jaýap berip, nasıhat aıtty.
Kezdesý barysynda olar elge qaıtaryp jańa ómir, jańa múmkindik syılaǵan memleketke rızashylyq bildirdi. Olardyń dinı turǵyda ońalýyna septigin tıgizip kele jatqan Dinı basqarma qyzmetkerlerine alǵys aıtty.
Jıyndy Pavlodar qalasyndaǵy Konfessııaaralyq qarym-qatynastardy taldaý jáne damytý ortalyǵynyń dırektory, psıholog-reabılıtolog Gúlnaz Maqsutqyzy qortyndylap, din qyzmetkerleriniń qyzmetine tabys tiledi.
