Bas múftı jyldy qorytyndylaý jıynyn ótkizdi (FOTO)
Búgin Bas múftı Naýryzbaı qajy Taǵanulynyń tóraǵalyǵymen QMDB-nyń kezekti Apparat jınalysy ótti.
QMDB Tóraǵasy Naýryzbaı qajy Taǵanuly naıb múftıge, keńesshilerge, baqylaý-qadaǵalaý, uıymdastyrý-úılestirý isinde belsendilik tanytqan Apparat basshysy Ǵylymbek Jádigerulyna, sondaı-aq bólim meńgerýshileri men barsha qyzmetkerlerge aıryqsha alǵysy men júrekjardy nıetin jetkizdi.
«Keshe ǵana bastalǵan jyl qas-qaǵym sátte óte shyqty. Jyl on eki aı ózderińizben birge dinniń nasıhaty, qaıyrymdylyq, qınalǵanǵa qamqor, arazdasqanǵa arasha, jaqsylyqta birge boldyq. Kóptegen jumystarymyzǵa juqpaly indet kedergi keltirgenmen, onyń ortaq sheshimin taba aldyq. Elge nasıhatymyzdy qalaı jetkizemiz degen suraq týyndaǵan sátte tosyrqap qalmaı, ınternettiń ıgiligin paıdalandyq. Juma nasıhaty, ustazdardyń dárisi áli kúnge deıin toqtaǵan joq. Allaǵa shúkir, meshitterimiz bes ýaqyt namazǵa ashyq. Imamdar forýmyn joǵary deńgeıde ótkizdik. Osy jyly ózimizdiń tól telearnamyzdy ashtyq. Dinı baǵytta habar taratý quqyǵyn aldyq. Bul da – úlken jetistik. Keler jyldyń enshisinde úlken ister tur. Ony da birge atqaryp, jemisin birge kórýge násip etsin! Barlyǵyńyzǵa Alla razy bolsyn!» – dedi Bas múftı Naýryzbaı qajy Taǵanuly.
