Batyrjan Mansurov juma namazyn júrgizdi (FOTO)
Túrkistan qalasyna arnaıy saparmen kelgen QMDB Ýaǵyz-nasıhat bóliminiń meńgerýshisi Batyrjan Mansurov jergilikti jamaǵatpen júzdesip, Juma namazyn júrgizdi.
Quran Kárimdi jatqa jáne mánerlep oqýdan ótetin H respýblıkalyq jarystyń arnaıy jumys tobyn bastap kelgen Batyrjan Berdenuly «Jánnat – Jaratqannyń syıy» taqyrybynda ýaǵyz aıtyp, jamaǵatpen birge juma namazyn oqydy. Sondaı-aq el amandyǵy men tynyshtyǵy úshin Jaratqannan duǵa tiledi.
Eske sala keteıik, Túrkistan oblysynda Juma namazy karantınge baılanysty meshit aýlalarynda atqarylyp keledi.
Búgin elimiz boıynsha saǵat 14:00-de jalpy jurtshylyq bolyp duǵa etýge shaqyrylǵan. Túrkistan oblystyq meshitine Juma namazyna jıylǵan jamaǵatpen birge Batyrjan Mansurov duǵa etti. Óńir meshitterinde namaz ashyq aýada oqylyp jatyr.
