Bilimdi bilmegenge jetkizý – sadaqa
«Nur-Múbarak» ýnıversıtetiniń, medrese-kolledj ustazdary men shákirtterin, elimizdegi barsha muǵalimder men bilim salasynyń qyzmetkerlerin 1 qyrkúıek – bilim kúni merekesimen shyn júrekten quttyqtaımyn! Ár otbasyǵa myqty densaýlyq, baqyt pen birlik, tabys pen bereke tileımin.
Islam dini er men áıelge bilim alýdy mindetteıdi. Ardaqty Paıǵambarymyz Muhammed (oǵan Allanyń salaýaty men sálemi bolsyn): «Bilim alý musylman er men áıelge paryz», – degen.
Taǵy bir hadıs-sharıfte: «Ǵylym-bilim úırenińder. Alla úshin bilim alý – Alladan qorqý. Al izdený – Allany pákteý. Al ony (qıyndyǵyna shydap) zerttep-zerdeleý – Alla jolynda kúresý. Ony bilmegenge jetkizý – sadaqa!» delingen.
Bul hadısten ózgelerge bilim úıretý Alla jolynda jasalǵan úlken sadaqanyń biri ekenin túsinemiz. Islamda bilim alýdyń mańyzy úlken. Alla Taǵala ilim ıesiniń dárejesin eki dúnıede de arttyryp qoıady eken. Qasıetti kitabymyz Quranda: «Májilis kezinde senderge: «Keńirek, erkin otyrýǵa bir-birińe múmkindik berińder», – dep aıtylsa, jyljyp oryn berińder. (Nıetterińe qaraı) Alla senderdi de keńirek orynmen jarylqaıdy. Al eger de: «(Oryndaryńnan) turyńdar» dese, dereý turyńdar. Alla aralaryńdaǵy ıman keltirgender men bilim ıeleriniń dárejelerin kóteredi. Alla senderdiń istegen isterińniń barlyǵynan da habardar» («Ál-Mýjádala» súresi, 11-aıat), – delingen.
Búginde Qazaqstan musylmandary dinı basqarmasy ımamdar men shákirtterdiń bilimin kóterý baǵytynda ıgi jobalardy júzege asyrýda. Jaratýshy Jabbar Iemiz shákirtterimizdi bilimdi etip, eli men jerine, dini men dástúrine qyzmet etetin tulǵalardan etkeı. Ámın!
Naýryzbaı qajy TAǴANULY,
Qazaqstan musylmandary dinı basqarmasynyń tóraǵasy, Bas múftı
