Bólim saǵaty: «Muftyat» baspasynyń jumys esebi tyńdaldy (FOTO)
Elordada Bas múftı Naýryzbaı qajy Taǵanulynyń tóraǵalyǵymen bólim saǵaty ótti. Jıynda QMDB-ǵa qarasty «Muftyat» baspasynyń jumys esebi tyńdaldy.
Baspanyń dırektory Murat Ábdihalyqov QMDB tarapynan byltyr shyǵarylǵan jáne bıyl shyǵarylatyn jańa kitaptar týraly baıandady. Sondaı-aq kitapty daıyndaý, tıpografııada basý jáne oqyrmanǵa jetkizý, ıaǵnı satylymdy arttyrýǵa qatysty jumys josparymen bólisti. Odan bólek namaz úırený men kúndelikti aıtylytyn duǵalar jaıly mobıldik qosymshalardy tanystyrdy.
Bas múftı baspanyń dırektoryna kitaptardyń mazmunyn halyqqa kóbirek nasıhattaýdy tapsyrdy. Sondaı-aq jınalysta «Muftyat» baspasyna qarasty «Munara» gazeti men «Iman» jýrnalynda ashylatyn jańa aıdarlar men oqyrmandar arasynda ótkiziletin baıqaýlar jaıly málimet berildi. Onlaın rejımde qashyqtan sóz alǵan «Iman» jýrnalynyń bas redaktory Ońǵar Ómirbek basylymnyń alda atqaratyn jumysy jaıly Bas múftıge baıandap berdi.
