«Crafers» kondıterlik ónimderi tekserildi (FOTO)
«QMDB halal» – otandyq ónimderge ǵana emes, alys-jaqyn sheteldik kompanııalarǵa da beriletin halyqaralyq sertıfıkat.
«QMDB halal» standarty boıynsha sertıfıkattalǵan kásiporyndardyń biri – kórshiles Ózbekstandaǵy «Crafers» kondıterlik kompanııasy. «Crafers» saýda belgisimen shyǵarylatyn 150 túrli kondıterlik ónim «Halal ónimderdi óndirý, óńdeý, daıyndaý, saqtaý, tasymaldaý jáne satýǵa qoıylatyn jalpy standart» talaptary boıynsha sertıfıkattalǵan bolatyn.
«QMDB halal» sertıfıkaty berilgen otandyq jáne sheteldik kásiporyndarda aı saıyn kezekti jáne kezekten tys baqylaý-qadaǵalaý sharalary oryndalyp turady. «Halal Damý» dırektory Aıbek Asqarbekuly men bas tehnolog Aıjan Omarova aýdıt jumystaryn júrgizý úshin Ózbekstandaǵy «Crafers» kondıterlik kompanııasynda baryp qaıtty. Aýdıt kezinde bekitilgen standart talaptaryn buzý jaǵdaılary tirkelmedi. Barlyq shıkizat pen ónimder, taǵamdyq qospalar talaptarǵa saı. Sanıtarlyq tazalyq ta tolyqtaı saqtalǵan. Tekseris jumystarynan keıin «Crafers» basshylyǵy men qyzmetkerlerine oqý-semınar júrgizildi.
«Crafers» kásiporny jylyna 47 500 tonna kondıterlik ónim óndirilip, álemniń 15 eline Eksporttaıdy. Bul ónimderdi elimizdegi dúken sórelerinen de taba alasyzdar.
