Din qaıratkerlerin aqtaýǵa arnalǵan konferentsııa ótedi

21 qazan kúni Qazaqstan musylmandary dinı basqarmasy jáne Fılosofııa, saıasattaný jáne dintaný ınstıtýtynyń uıymdastyrýymen Almaty qalasyndaǵy Nur-Múbarak ýnıversıtetiniń ǵımaratynda «QAZAQSTANDAǴY «DIN DÚRBELEŃI»: KEŃESTIK BILIKTIŃ DINGE QARSY REPRESSIIaLYQ ShARALARY» respýblıkalyq ǵylymı-tájirıbelik konferentsııasy ótedi.

Konferentsııaǵa QMDB Tóraǵasy, Bas múftı Naýryzbaı qajy Taǵanuly, Nur-Múbarak ýnıversıtetiniń rektory, professor Muhammad ásh-Shahhat ál-Jındı, Fılosofııa, saıasattaný jáne dintaný ınstıtýtynyń dırektory Serik Seıdýmanov, Q.Jubanov atyndaǵy Aqtóbe memlekettik ýnıversıtetiniń professory, fılosofııa ǵylymdarynyń doktory Amangeldi Aıtaly, sondaı-aq UǴA akademıkteri, tarıh ǵylymdarynyń doktorlary Mámbet Qoıgeldıev, Talas Omarbekov, Darhan  Qydyráli jáne tarıhshylar Aıshýaq Dármenuly, Talǵat Joldasuly qatysady.

Konferentsııada Saıası qýǵyn-súrgin qurbandaryn tolyq aqtaý jónindegi memlekettik komıssııanyń Dástúrli din ókilderin zertteý jumys tobynyń músheleri Baqytjan Satershınov, Rahym Beknazarov, Dosaı Kenjetaı jáne Shapoval Iýlııa saıası qýǵyn-súrgin tarıhyndaǵy din ókilderi jaıly arnaıy baıandama jasaıdy.

Sondaı-aq QMDB Ǵulamalar keńesiniń músheleri Shámshedın Kerim, Muhan Isahan, Tóreáli Qydyr keńestik bıliktiń dinge qarsy repressııalyq sharalary jaıly baıandaıdy. Jıyn sońynda konferentsııa jumysy qorytyndylanyp, arnaıy úndeý jarııalanady.