Din qaıratkerlerin aqtaýǵa arnalǵan konferentsııa ótedi (VIDEO)
Almatyda ótip jatqan Qazaqstan musylmandary dinı basqarmasy janyndaǵy Ǵulamalar keńesiniń XXXI májilisinde Bas múftı Naýryzbaı qajy Taǵanuly din qaıratkerlerin aqtaýǵa arnalǵan konferentsııa ótetinin málimdedi.
«Prezıdent Qasym-Jomart Toqaevtyń bastamasymen tarıhı ádilettilikti qalpyna keltirý maqsatynda Saıası qýǵyn-súrgin qurbandaryn tolyq aqtaý jóninde Memlekettik komıssııa qurylǵan bolatyn. Qazaqstan musylmandary din basqarmasy Memlekettik komıssııanyń Dástúrli din ókilderi – saıası qýǵyn-súrgin qurbandaryn aqtaý úshin zertteý jumys tobymen birlesip, din qaıratkerlerin aqtaýǵa arnalǵan respýblıkalyq konferentsııa ótkizýdi qolǵa aldyq.
Konferentsııa maqsaty – Keńes dáýiri tusynda saıası qýǵynǵa ushyraǵan din qaıratkerlerin anyqtaý ári olardy aqtaýǵa úles qosý. Sonymen qatar ata-babamyzdyń san ǵasyrdan beri ustanyp kelgen Ábý Hanıfa mázhaby men Matýrıdı senimin halyqqa nasıhattaý» dep atap ótti Naýryzbaı qajy Taǵanuly.
Aıta keteıik, Saıası qýǵyn-súrginge ushyraǵan halqyna qaltqysyz qyzmet etken ult qaımaqtary arasynda moldalar, ahýndar, ıshandar, jalpy din qaıratkerleri boldy. Bizdiń endigi maqsat – jazyqsyz ólim jazasyna kesilip, áli kúnge deıin aqtalmaǵan din qaıratkerleriniń muralaryn jańǵyrtyp, esimderin elge tanytý.
