Dinder tarıhy týraly kitap jaryq kórdi
Nur-Múbarak ýnıversıtetiniń aǵa oqytýshysy, PhD Jolaman Bulanulynyń «Ejelgi jáne qazirgi dinder tarıhy» atty kitaby oqyrmanǵa jol tartty.
Bul – avtordyń úsh jyldan asa ázirlegen eńbegi. Degenmen kitap Túrkııa men Qazaqstanda teologııa ǵylymy boıynsha qorǵaǵan doktorlyq dıssertatsııalyq zertteýi negizinde jaryq kórse, dintaný salasynda dinder tarıhy jaıly qazaq tilindegi eń alǵashqy qundy oqýlyq bolmaq.
Dintaný salasy elimizdegi jańadan damyp kele jatqan ǵylym bolǵandyqtan, sony eńbekter kóp emes. Al «Ejelgi jáne qazirgi dinder tarıhy» avtory ana tilimen qosa arab, aǵylshyn, túrik, mońǵol tilderin meńgergendikten, 5 tildegi derekkózder men kóne klassıkalyq jáne qazirgi tańdaǵy eńbekterdi erkin paıdalanǵan.
QR Aqparat jáne qoǵamdyq damý mınıstrligi Din isteri komıteti Dintaný saraptamasynyń oń qorytyndysyn alǵan. Eńbekke alǵysóz jazǵan Nur-Múbarak ýnıversıtetiniń prorektory, PhD, dotsent Qaırat Qurmanbaev adamzat jaratylysynan búginge deıingi dinder tarıhyn qamtyǵan kitapty oqý quraly ǵana emes, dinder tarıhynyń Entsıklopedııasy dep baǵa berdi. Sondaı-aq Ál-Farabı atyndaǵy QazUÝ f.ǵ.d., professory Qarlyǵash Borbasova, Nur-Múbarak EIMÝ f.ǵ.d., professor Q.Zatov, PhD, qaýymd.professor Q.Erjan oń pikirlerin jazǵan.
Oqý quraly «dintaný», «teologııa», «ıslamtaný» mamandyqtary boıynsha bilim alýshy stýdentter men magıstranttar, mamandarǵa jáne dinder tarıhyna qyzyǵýshy jalpy oqyrmanǵa arnalǵan.
