Dinı qyzmetkerlerdiń kásibı biliktiligin arttyrýǵa baǵyttalǵan semınar bastaldy (FOTO)

«Nur Astana» meshitinde dinı qyzmetkerlerdiń biliktiligi men dinı qyzmettiń sapasyn arttyrý maqsatynda kásibı qujattardy úırenýge baǵyttalǵan semınar bastaldy, dep habarlaıdy ummet.kz tilshisi. 

Dinı qyzmetkerlerdiń kásibı biliktiligi men quqyqtyq saýatyn joǵarlatý, dinı qyzmettiń sapasyn arttyrý – ári zaman talaby, ári búgingi qoǵamnyń suranysy bolmaq. Osyndaı syndarly jaýapkershilikti sezingen meshit ujymy qyzmetkerlerdiń kásibı biliktiligin arttyrý sharalaryn qolǵa aldy. 

Semınar barysynda QMDB Nur-Sultan qalasy boıynsha ókildiginiń tapsyrmasy aıasynda, meshittiń dinı qyzmetkerleri «QR Dinı qyzmet jáne dinı birlestikter týraly» Zańy, Qazaqastan musylmandary dinı basqarmasynyń Jarǵysy, «Qazaqstan musylmandarynyń tuǵyrnamasy», «Musylmannyń tulǵalyq beınesi», «Imamnyń tulǵalyq kelbeti», «QMDB qyzmetkerleriniń Etıkasy», «QMDB-nyń 2020 jylǵa deıingi bilim berýdi damytý tujyrymdamasy», Meshit erejesi, Meshittiń ishki tártibi qatarly qujattardyń mazmunyn qaıtalaı pysyqtap, tolyqtaı úırenetin bolady. 

Bas ımam Asqar Muqanovtyń tóraǵalyǵymen ótken alǵashqy semınar barysynda «QR Dinı qyzmet jáne dinı birlestikter týraly» Zańy, Qazaqastan musylmandary dinı basqarmasynyń Jarǵysy, «Qazaqstan musylmandarynyń tuǵyrnamasy» qatarly qujattar boıynsha dáris oqyldy. 

Semınar sońynda «QMDB-nyń 202 jylǵa deıingi bilim berýdi damytý tujyrymdamasy» negizinde 2019-2020 jyldarǵa arnalǵan saýat ashý kýrsynyń jumys jospary bekitildi.  Meshit jumysynyń sapasyn arttyrýdy kózdegen semınar apta saıyn ótkiziledi.