«El úlesi – páterge»: Bas múftı tarazdyq 5 otbasyǵa páter kiltin tabystady (FOTO)
Táýelsizdiktiń 30 jyldyǵyna oraı Taraz shaharynda ótken «Áýlıe ata» meshitiniń qaıta ashylý saltanatynan keıin «El úlesi – páterge» qaıyrymdylyq aktsııasymen Jambyl oblysynyń 5 otbasyna turǵyn úı kilti tabystaldy.
Izgi sharaǵa QMDB Tóraǵasy, Bas múftı Naýryzbaı qajy Taǵanuly qatysyp, jańa shańyraqqa ıe bolǵan januıalardy quttyqtap, ıgilikke demeý kórsetken jomart jandarǵa alǵysyn bildirdi. Úıli bolǵandar arasynda 4 din qyzmetkeri men bir kópbalaly ana bar.
Qýanyshyn jınalǵan qaýymmen bólisken jandar júrekjardy alǵysyn aıtty. Qaıyrymdylyq sharasyna Jambyl oblysynyń bas ımamy Beıbit Myrzageldıev pen «Zeket jáne qaıyrymdylyq qorynyń» ókilderi qatysty.
