Elbasy Imamdar forýmyna quttyqtaý hat joldady (FOTO)
Búgin elordada Qazaqstan musylmandary dinı basqarmasynyń 30 jyldyq mereıtoıyna oraı ótip jatqan «Islam – mádenıet pen izgiliktiń bastaýy» atty ımamdardyń IV respýblıkalyq onlaın-forýmyna Qazaqstannyń Tuńǵysh Prezıdenti – Elbasy Nursultan Nazarbaev quttyqtaý hatyn joldady.
Memlekettik hatshy Qyrymbek Kósherbaev Elbasynyń QMDB-nyń 30 jyldyq mereıtoıyna joldaǵan quttyqtaý sózin oqyp berdi.
Elbasy forýmnyń jyl saıyn ótkizilýi qoǵamda jaqsy dástúrge aınalyp kele jatqanyna erekshe mán berip, memleket tarapynan árqashan din salasyna erekshe kóńil bólinetinin jetkizdi.
Aıta ketsek, forým maqsaty – musylman qaýymy arasynda ulttyq rýhanı dástúrlerge negizdelgen dinı rásimder men joralardyń mádenıetin qalyptastyrý jáne zııatker ımam mártebesine laıyqty din qyzmetkerlerin irikteıtin qujattar qabyldaý.
Forým qorytyndysy boıynsha «As berý mádenıeti», «Zırat jáne zııarat mádenıeti», «Zııatker ımam» qujattary qabyldanady. Atalǵan qujattar jurtshylyq arasynda oryndalatyn dinı rásimderdi birizdilikke keltirýge jáne zııatker ımam mártebesin berýge laıyqty din qyzmetkerlerin irikteýge oń yqpalyn tıgizbek.
