Elorda ımamdaryna arnalǵan semınar ótti (FOTO)

Búgin Astana qalasyndaǵy respýblıkalyq «Áziret Sultan» meshitinde Elorda ımamdaryna arnalǵan «Qazirgi destrýktıvti dinı aǵymdardyń doktrınalyq negizderi: aldyn alý joldary, ońaltý sharalary» atty semınar bolyp ótti.

Astana qalasy ákimdiginiń Din problemalarynyń zertteý ortalyǵy uıymdastyrǵan semınar jumysyna Astana qalasyndaǵy segiz meshit ımamdary men dinı qyzmetkerler qatysyp, atalmysh taqyryp boıynsha pikir almasyp, ózara tájirıbe almasty. Búgingi tańda halyq birligine syzat túsirýge talpynyp, ımandylyq jolyn izdegen albyrt jastardy shyrmap alǵan dinı aǵymdarmen kúres sharalary, olardan jastardy qaıtarý joldary talqylanyp, ortalyq mamandarynyń baıandamalary tyńdaldy.

Semınar sońynda qatysýshylarǵa arnaıy sertıfıkat tabystaldy.