ELORDADA 21-22 QAZAN KÚNDERI IH RESPÝBLIKALYQ QURAN BAIQAÝY ÓTEDI
Qazaqstan musylmandary dinı basqarmasynyń 30 jyldyǵyna oraı elordada 21-22 qazan kúnderi Quran Kárimdi jatqa jáne mánerlep oqýdan IH respýblıkalyq baıqaý ótedi.
Dinı basqarmanyń uıymdastyrýymen respýblıkalyq «Áziret Sultan» meshitinde ótetin baıqaýda elimizdiń barlyq óńirinen 74 qarı qatysady. Olar Quran Kárimniń «10 para», «20 para», «30 para» jáne «Mánerlep oqý» atalymdary boıynsha baq synaıdy.
Qatysýshylardyń Qurandy jatqa jáne mánerlep oqýyn elimizge belgili qarı-ustazdar, ǵalymdar – Kámiljan Sadyqov, Sádýaqas Oljabaı, Erkinbek Shoqaı, Ersin Ámire men Jumanazar Sadyrhanov qadaǵalap, baıqaýǵa tórelik etedi.
Qurandy tolyq jattaǵan qarılardyń úlkeni 30 jasta bolsa, eń kishisi 13 jasta. Al 10 para jattaǵan qarılardyń qatarynda 10 jastaǵy mektep oqýshysy bar.
Eldegi pandemııa jaǵdaıyna baılanysty qarılar baıqaýyn QMDB «Hıkmet stýdııasynyń» YouTube arnasy men «Halyq Arna» telearnasynan tikeleı Efırde tamashalaı alasyzdar. Sondaı-aq, Dinı basqarmanyń Instagram-daǵy resmı paraqshasynan onlaın-translıatsııa jasalady.
