Elordada «Shaurma food» dámhanasy sertıfıkattaldy (FOTO)
Nur-Sultan qalasyndaǵy eń iri fast-fýd ortalyqtarynyń biri «SHAURMA FOOD» fast-fýd ónimderi «QMDB halal» standarty boıynsha sertıfıkattaldy.
«SHAURMA FOOD» – ózindik retseptimen daıyndalatyn shaýrma, túrik ashanasy taǵamdary, shyǵys as máziri, balalar taǵamy sekildi túrli ónim túrlerin usynatyn, tıimdi baǵamen joǵary qyzmet kórsetip, dámdi as usynatyn qoǵamdyq tamaqtaný orny.
«Halal Damýdan» sertıfıkattaýdan ótýge ótinish bildirgen kúnnen bastap, dámhana ǵımarattarynda baqylaý-qadaǵalaý sharalary júrgizilip, tehnolog mamandardyń qatysýymen barlyq shıkizattary men taǵamdyq qospalary tekserildi. Qajetti ónimder laborotorııalyq zertteýden ótkizildi.
Barlyq zertteý jáne baqylaý jumystarynyń oń nátıjıesinen keıin «SHAURMA FOOD» dámhanasyna «Tamaqtandyrý qyzmetteri», «Halal ónimderdi óndirý, óńdeý, daıyndaý, saqtaý, tasymaldaý jáne satýǵa qoıylatyn jalpy standart» talaptaryna laıyq dep tanyldy. Sertıfıkatty «Halal Damý» dırektory Aıbek Asqarbekuly tabystady.
«Halyq kóp tutynatyn, jıi suraıtyn, suranysqa ıe kásiporyndar men azyq-túlikter halal sertıfıkatyn alǵanda erekshe qýanamyz. Sebebi, bizdiń basty maqsatymyz – halyq qajettiligin qamtamassyz etý. Osy baǵyttaryńyzdan taımaı, elge adal as usynyp, kóńilderdi qýanta beresizder dep senemin. Bizdiń jumysymyz osy jerden toqtamaıdy, kerisinshe, endi ǵana bastaý aldy. Aldaǵy ýaqytta tehnologtar men ınspektor-kontroler mamandardyń qatysýymen mindetti aılyq tekseris jumystary júrgiziledi», – dedi Aıbek Asqarbekuly. Qazaqstan musylmandary dinı basqarmasyna arnaıy kelgen «SHAURMA FOOD» kásiporny basshylaryna alǵysyn bildirip, kásipterine bereke tiledi.
Óz kezeginde «SHAURMA FOOD» kásiporny «Halal Damý» mamandary qyzmetin joǵary baǵalap, «QMDB halal» tańbasyna laıyqty jumys jasaıtyndaryn jetkizdi.
