Ǵulamalar keńesi jańa ǵalymdarmen tolyqty (FOTO)
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanulynyń sheshimimen elimizge tanymal úsh ǵalym Ǵulamalar keńesine múshelikke qabyldandy.
Bas múftı sheshimin keńes músheleri biraýyzdan qoldap, oń pikirin bildirdi.
«Belgili ǵalymdarymyz Tóráli Qydyrdy, Yqtııar Paltóreni, Rashıd Muhıtdınovty Ǵulamalar keńesine múshelikke qabyldaý týraly sheshim qabyldadym. Bul sheshim keńes jumysyna serpin beredi degen senimdemin. Óz salasynyń maıtalman ǵalymdary pátýalardy bekitý, akademııalyq kitaptar shyǵarý syndy aǵartý baǵytyndaǵy jumystarymyzdy ilgeriletýge úles qosady degen úmittemin» dedi Naýryzbaı qajy Taǵanuly.
M.Áýezov atyndaǵy Ádebıet jáne óner ınstıtýty Ejelgi dáýir ádebıeti jáne túrkologııa bóliminiń meńgerýshisi qyzmetin atqaryp kele jatqan Tóráli Qydyr – fılologııa ǵylymynyń kandıdaty, dotsent, birneshe ǵylymı eńbekterdiń avtory. Tóráli Edilbaıuly QMDB-nyń Islam Entsıklopedııasyn shyǵarý bastamasy boıynsha ǵylymı zertteý jumysymen aınalysýda.
Yqtııar Paltóre 2013 jyldyń mamyr aıynda shyǵystaný mamandyǵy boıynsha fılosofııa doktory (PhD) ǵylymı ataǵyn ıelendi. Ol ál-Farabı atyndaǵy QazUÝ-dyń Shyǵystaný fakýlteti, Taıaý jáne Orta shyǵys kafedrasynda oqytýshylyq qyzmetpen qosa 2010-2015 jyldar aralyǵynda QR Ortalyq memlekettik arhıvinde arhıv qorlaryn paıdalaný jáne jarııalaý bóliminde jetekshi maman boldy.
2017 jyldyń qyrkúıeginen bastap ál-Farabı atyndaǵy QazUÝ-dyń Shyǵystaný fakýltetiniń dekany qyzmet atqarýda.
Rashıd Muhıtdınov «Dıýanı luǵat át-túrik» jáne arab leksıkografııasy: tarıhı negizderi men teorııalyq prıntsıpteri» taqyryby boıynsha 2010 jyly fılologııa ǵylymdarynyń kandıdaty dárejesin qorǵaǵan.
2017 jyly ál-Farabı atyndaǵy QazUÝ-dyń Taıaý Shyǵys jáne Ońtústik Azııa kafedrasynyń meńgerýshisi qyzmetin atqardy. 2019 jyldan bastap Nur-Múbarak Egıpet ıslam mádenıeti ýnıversıteti Islamtaný kafedrasynda jumys istep keledi.
