Ǵulamalar keńesiniń HHH májilisinde 10 pátýa qabyldandy (FOTO)
Óskemen qalasynda D.Serikbaev atyndaǵy Shyǵys Qazaqstan tehnıkalyq ýnıversıtetinde ótken Ǵulamalar keńesiniń HHH májilisinde 10 pátýa qabyldandy. Bul týraly keńes hatshysy, QMDB Ýaǵyz-nasıhat bóliminiń meńgerýshisi Batyrjan Mansurov habarlady.
Onyń málimdeýinshe, keńeste 1 kontseptýaldy qujat pen 2 ǵylymı joba talqylanǵan. Sonymen qatar túrli taqyrypta jazylǵan 10 pátýa qabyldanǵan. Atap aıtqanda, nápaqa berýdiń úkimi, túsik quny týraly úkim, jasandy túsiktiń tólemi, jalǵa alǵan múlikti jalǵa berý úkimi, úı qustaryn mehanıkalyq apparatpen baýyzdaý úkimi, boza ishý úkimi, t.b. pátýalar bekitilgen.
Aıta ketsek, QMDB janyndaǵy Ǵulamalar keńesi sharıǵat negizderine súıenip, musylman qaýymy arasynda týyndaǵan túıtkildi máselelerdi talqylap, der kezinde sheshim shyǵaryp, pátýa qabyldap keledi. Keńes jumysynda osyǵan deıin 35 kontseptýaldy qujat qaralyp, sharıǵat aıasynda otbasy jáne neke máselesi, medıtsına, quqyq, qarjy, t.b. salalar boıynsha 100-ge jýyq pátýa bekitilgen. Sonymen qatar keńes jumysynda ózekti taqyryptardy qamtyǵan 8 kitap talqylanyp, baspaǵa usynylǵan.
