«Ǵylmanı» meshitinde 30 otbasyǵa kómek berildi (FOTO)
Búgin Elordadaǵy «Sádýaqas qajy Ǵylmanı» meshitinde Táýelsizdik kúnine oraı qaıyrymdylyq sharasy uıymdastyrylyp, 30 otbasyna azyq-túlik taratyldy.
Táýelsizdik – ata-balalarymyzdyń neshe ǵasyrlyq armany, Alla Taǵalanyń halqymyzǵa bergen zor nyǵymeti. Barsha alash balasynyń asyl qundylyǵy. Sondyqtan da, bul kúnge jetkizgen Allaǵa shúkirshilik bildirip, jan-jaǵymyzǵa qamqorlyq tanytý maqsatynda meshittiń uıymdastyrýymen qaıyrymdylyq sharasy ótti.
Shara meshit qyzmetkerleriniń uıymdastyrýynda, jomart jandy demeýshi azamattardyń qoldaýymen ótkizildi.
Qaıyrymdylyq sharasy aıasynda kóp balaly, áleýmettik az qamtylǵan 30 otbasyna kúndelikti turmysqa qajetti azyq-túlik úlestirildi.
