Ǵylymı kitaphanada «Bas múftı taǵylymy» kitabynyń tusaýkeseri ótti (FOTO)
Shymkent qalalyq «Ál-Farabı» atyndaǵy ǵylymı-ámbebap kitaphanasynda Qazaqstan musylmandary dinı basqarmasynyń tóraǵasy Naýryzbaı qajy Taǵanulynyń qatysýymen «Bas múftı taǵylymy» kitabynyń tanytym sharasy uıymdastyryldy.
Basqosý aıasynda aqyn, Otyrar aýdannyń qurmetti azamaty Quralbek Qosaıuly, «Ál-Farabı» atyndaǵy qalalyq ǵylymı-ámbebap kitaphanasynyń dırektory Dáýren Áýelhanuly sóz sóılep, kitap týraly oılarymen bólisti.
Kitapty Shymkent ortalyq meshitiniń naıb ımamy, dintanýshy-magıstr Muhamedjan Estemirov qurastyrǵan.
Jaryq kórgen «Bas múftı taǵylymy» kitabynda Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń aıshyqty oılary men ǵıbratty sózderi, jamaǵatqa aıtqan ýaǵyz-nasıhaty jınaqtalǵan. Kitap ǵylymı izdenistegi dintanýshy mamandar men barsha oqyrman qaýymǵa arnalǵan.
