Imamdardyń IV Respýblıkalyq onlaın-forýmy bastaldy (FOTO)
Búgin elordada Qazaqstan musylmandary dinı basqarmasynyń 30 jyldyq mereıtoıyna oraı múftııat ǵımaratynda «Islam – mádenıet pen izgiliktiń bastaýy» taqyrybynda ımamdardyń IV respýblıkalyq onlaın-forýmy bastaldy.
Forýmǵa Memlekettik hatshy Qyrymbek Kósherbaev, Aqparat jáne qoǵamdyq damý mınıstri Aıda Balaeva, QMDB Tóraǵasy, Bas múftı Naýryzbaı qajy Taǵanuly, memleket jáne qoǵam qaıratkerleri, Dinı basqarmanyń óńirlerdegi bas ımamdary, sondaı-aq onlaın rejımde 1000 din qyzmetkeri qatysýda.
Forým maqsaty – musylman qaýymy arasynda ulttyq rýhanı dástúrlerge negizdelgen dinı rásimder men joralardyń mádenıetin qalyptastyrý jáne zııatker ımam mártebesine laıyqty din qyzmetkerlerin irikteıtin qujattar qabyldaý.
Forýmnyń qorytyndysy boıynsha «As berý mádenıeti», «Zırat jáne zııarat mádenıeti», «Zııatker ımam» qujattary qabyldanady. Atalǵan qujattar jurtshylyq arasynda oryndalatyn dinı rásimderdi birizdilikke keltirýge jáne zııatker ımam mártebesin berýge laıyqty din qyzmetkerlerin irikteýge oń yqpalyn tıgizbek.
