Iran elinen kelgen qonaq «Áziret Sultan» meshitimen tanysty (FOTO)

Keshe Nur-Sultan qalasynda Álemdik jáne dástúrli dinder lıderleri sezi hatshylyǵynyń XIX otyrysy bastalǵan bolatyn. Búgin elorda tórindegi Beıbitshilik jáne kelisim saraıynda Senat spıkeri, Álemdik jáne dástúrli dinder lıderleri Sezi Hatshylyǵynyń basshysy Máýlen Áshimbaevtyń tóraǵalyǵymen XIX Sezd Hatshylyǵy birqatar mańyzdy máselelerdi talqylaıtyn bolmaq.

Atalmysh otyrysqa arnaıy shaqyrylǵan Iran Islam respýblıkasynyń Mádenıet jáne ıslam baılanystary uıymy Dinder men mádenıetter dıalogy ortalyǵy tóraǵasynyń ókili Zahra Rashıd Beıgı hanym keshe respýblıkalyq «Áziret Sultan» meshitine arnaıy kelip, qulshylyq ordasymen tanysyp qaıtty.

Qurmetti qonaqty «Áziret Sultan» meshitiniń naıb ımamy Baqytjan Ótkelbaev qarsy alyp, respýblıkalyq Bas meshittiń tynys-tirshiligimen tanystyrdy.