«Islam dinindegi dinı ataq-laýazymdar» monografııasynyń tanytymy ótti (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Túrkistan oblysyna barǵan saparynda «Islam dinindegi dinı ataq-laýazymdar» monografııasynyń tanytymyna qatysty.
Qoja Ahmet Iasaýı atyndaǵy Halyqaralyq qazaq-túrik ýnıversıtetinde ótken ıgi is-sharaǵa atalǵan bilim ordasynyń rektory Janar Amangeldiqyzy, belgili ǵalym Dosaı Kenjetaı men stýdentter qatysty.
«Halyq uǵymynda erekshe daryn ıesi, dindar, taqýa, tulǵalyq qasıetke ıe adamdardyń bolǵany tarıhtan belgili. Olardyń atqaratyn qyzmetteri men áýlıelik sıpattary, jetken jetistikteri men keremetteri de halyqqa tanymal bolǵan. Sebebi Jaratýshy Iemiz mundaı tulǵalardy rýhanı tárbıeniń jol kórsetýshisi, sharıǵat amaldaryna berik ári ózgelerge sol ilimdi jetkizýshi etip jiberdi. Islam tarıhynda ondaı tulǵalar men dinı laýazymdyq qyzmet atqarǵan adam sany jeterlik. Bul rette Nurlan Mansurovtyń «Islam dinindegi dinı ataq-laýazymdar» atty monografııalyq eńbeginde kóptegen dinı ataq-laýazymdar ǵylymı hám dinı turǵyda jan-jaqty zerttelipti. Bul eńbek din qyzmetkerleri úshin de paıdaly kitap bolmaq» dep atap ótti Naýryzbaı qajy Taǵanuly.
Aıta ketsek, «Islam dinindegi dinı ataq-laýazymdar» monografııasynda dáreje-mártebe, tıtýl, laýazym men ataq mánine ıe bolǵan dinı sózder saralanyp, taldanǵan.
