«ISLAM JÁNE OTBASY QUNDYLYǴY» JYLY: ASTANA IMAMDARY JYL JOSPARYMEN TANYSTY (FOTO)

«Áziret Sultan» meshitinde elorda ımamdarynyń jyldyq josparmen tanysý jıyny ótti.

Basqosýǵa naıb múftı, Sharıǵat jáne pátýa bóliminiń meńgerýshisi Sansyzbaı Qurbanuly, Astana qalasynyń jáne «Áziret Sultan» meshitiniń bas ımamy Erbolat Júsipov jáne elorda meshitteriniń bas ımamdary men basqa da din qyzmetkerleri qatysty.

Jıynda QMDB tóraǵasy, Bas múftı Naýryzbaı qajy Taǵanulynyń baǵdarlyq baıandamasynda aıtylǵan negizgi 4 baǵyt boıynsha («Din men dástúr», «Ihsan jáne nasıhat», «Dinı oqý-aǵartý», «Jat dinı aǵymdardan saqtandyrý») atqarylýy tıis is-sharalar talqylanyp, ár baǵytqa jaýapty mamandar ózderine tıesili baǵyt boıynsha jumystandy.

Sondaı-aq, jyldyń basymdyq beriletin negizgi tusy – otbasy ınstıtýtyn jańǵyrtý máselesi boıynsha qala bas ımamy Erbolat Nuryldauly birqatar máselelerdi qaperge sala otyryp, din qyzmetkerlerin yntymaq pen birlik negizinde jumyla qyzmet atqarýǵa shaqyrdy. 

Sýretterdi tolyǵyraq «FOTOGALEREIa» aıdarynan kóre alasyzdar!