Kelndaǵy Ortalyq meshittiń ashylýyna Erdoǵan qatysatyn boldy

Túrik-ıslamı dinı oryndar ortalyǵynyń qoldaýymen salynǵan Germanııanyń Keln qalasyndaǵy Ortalyq meshit 29-qyrkúıek kúni jamaǵatqa esigin aıqara ashatyn bolady. Aıtýly sharaǵa Túrkııa prezıdenti Redjep Erdoǵannyń qatysýy kútilip otyr.

Túrik-ıslamı dinı oryndar ortalyǵynyń tóraǵasy Nevzat Iashar Ashıkoglý baspasóz konferentsııasynda sharanyń mańyzdylyǵyn atap ótti. «Bul meshit Germanııa men eýropadaǵy eń mańyzdy, eń úlken qulshylyq ordalarynyń biri bolǵaly tur. Bul meshit – beıbitshilik pen yntymaqtyń, mádenıetter dostyǵynyń úlgisi», – dedi ol.

1 250 musylman ǵıbadat óteı alatyn qulshylyq ordasynda basqa da túrli bólmeler qarastyrylǵan. Úlken kitaphana men qyzmettik bólmelerge qosa, meshit ǵımaratynda 600 adamdyq konferents zal, kórme salony, saýda núkteleri men ashana ornalasqan.