Kezekti jeńisinen soń meshit ájethanasyn tazalap shyqty

Aǵylshyndyq «Lıverpýl» fýtbol komandasynyń shabýylshysy Sadıo Mane jasyl alańdaǵy jeńisinen soń meshitke baryp, ájethanasyn tazalap shyqqan. Senegaldyq sportshy aǵylshyn premer-lıgasynyń tórtinshi týrynda jeńiske jetkennen keıin Lıverpýl qalasyndaǵy «Ál-Rahma» meshitine baryp, tazalyq jumysyna qatysqan.

26 jastaǵy sportshynyń bul áreketi áleýmettik jelilerde keńinen taralyp, Sadıo Maneniń nápsi tárbıeleýdegi ádisin joǵary baǵalaǵandar jetkilikti. Aıta keteıik, Mane osy ýaqytqa deıin qaıyrymdylyq sharalaryna belsene atsalysyp, týǵan aýylyndaǵy gospıtal, mektep jáne meshit salynýyna qarjylaı kóp kómek kórsetip keledi.