«Halal damý»: akkredıtteý jóninde jıyn ótti (FOTO)
Qazaqstan musylmandary dinı basqarmasynyń Ortalyq apparatynda «Halal Damý» dırektory Aıbek Asqarbekulynyń jetekshiligimen «Akkredıtteý jáne onyń joldary» taqyrybynda jıyn ótti.
Jıynǵa Reseı musylmandary dinı basqarmasy «Halal standarttaý jáne sertıfıkattaý» ortalyǵy dırektorynyń orynbasary Samat Qalenbekuly men «Halal Damý» mamandary qatysty.
Basqosýda «Jol kartasy» baǵdarlamasynda kórsetilgen Elbasy tapsyrmasy boıynsha otandyq aýylsharýashylyq ónimderin «halal» tańbasymen Parsy shyǵanaǵy elderine tasymaldaý jáne satý úshin «Halal Damý» mekemesin Ultttyq akkredıtteý ortalyǵy men halyqaralyq «ESMA» uıymynan akkredıtteýden ótkizý, álemdik talaptarǵa sáıkes qujattandyrý sharalaryn júıelendirý máseleleri talqylandy.
«Eki el arasyndaǵy áriptestikti nyǵaıtyp, ózara tájirıbe almasýda mundaı basqosýlar taptyrmas múmkindik ekeni sózsiz. Qandas baýyrlaryńyz ben jergilikti musylmandardyń, kúlli qazaq halqynyń adal as tutynýyna alańdatýshylyq tanytyp, halyqaralyq halal standarttaý jáne sertıfıkattaý salasyndaǵy kóp jyldyq kásibı tájirıbeńizdi bólisip, ǵylymı-praktıkalyq baǵyt-baǵdar bergenińizge sheksiz alǵysymyzdy aıtamyz» degen Aıbek Asqarbekuly reseılik áriptesine rızashylyǵyn bildirdi.
Jıyn barysynda Samat Qalenbekuly BAÁ, Túrkııa, Malaızııa jáne sıngapýrlyq halyqaralyq uıymdardan halal standarty boıynsha akkredıtteýden ótýge qatysty tyń aqparattardy bólisip, mamandar tarapynan qoıylǵan suraqtarǵa jaýap berdi.
