«Halal Damý» dırektory halyqaralyq jıynǵa qatysty (FOTO)
«Halal Damý» JShS dırektory Aıbek Atashev «IYU-daǵy qaýipsiz jáne halal taǵamǵa aparatyn jol» taqyrybynda ótken halyqaralyq onlaın-kezdesýge qatysty.
Jıyndy Azyq-túlik qaýipsizdigi jónindegi Islam uıymy (AQIU) uıymdastyrdy. Oǵan spıker retinde qatysqan Aıbek Asqarbekuly Qazaqstandaǵy azyq-túlik qaýipsizdigi jáne halal óndirisin damytý týraly aıtyp berdi.
Bul kezdesýde IYU (Islam yntymaqtastyǵy uıymy) ishinde qaýipsiz jáne halal tamaq ónimderin óndirýge ınvestıtsııalardy ilgeriletýge, sondaı-aq uıymǵa múshe elderdiń halal ónimderiniń jahandyq naryqtaǵy ornyna basty nazar aýdaryldy.
Qazirgi ýaqytta bul naryqtyń kóp bóligi uıymǵa múshe emes elderge tıesili bolyp otyr.
AQIU joǵary agropotentsıaly bar IYU elderine óziniń tamaq ónerkásibin damytýǵa jáne uıym ishindegi tamaq ónimderin jetkizýdiń básekege qabilettiligin arttyrýǵa múmkindik berýge basa nazar aýdarady.
