«Halal damý» dırektory radıoǵa suhbat berdi (FOTO)
«Halal Damý» dırektory Aıbek Asqarbekuly otandyq áýe tolqyndary «Qazaq» jáne «Shalqar» radıolaryna suhbat berdi.
Kózqaraqty oqyrman men as-aýqatynyń adaldyǵyna alańdatýshylyq tanytqan tutynýshylardyń suraýy boıynsha «Otandyq halal ındýstrııasynyń hal-ahýaly» tóńiregindegi máseleler jáne «Halal Damý» standarttaý jáne sertıfıkattaý uıymynyń jumysy men jetistikterine toqtalyp, suraqtarǵa jaýap berdi.
«Qazaqstan musylmandary dinı basqarmasy janynan qurylǵan «Halal Damý» uıymynyń halal ındýstrııasy salasynda qyzmet etkenine 7 jyldaı ýaqyt boldy. Az ǵana ýaqyt ishinde halal ónim tutynýshylar men jalpy halyqtyń kóńilinen shyǵyp, elimizdegi eń senimdi degen halal standarttaý jáne sertıtfıkattaý uıymyna aınaldy.
Halal – bıznes nemese aqsha tabý alańy emes. Bul – sharıǵatymyzda bekitilgen, qasıetti Quran Kárimde aıtylǵan, Allanyń talaby. Elimizdegi kúlli musylmannyń qara shańyraǵy Dinı basqarmanyń halal salasyndaǵy ustanymy – adaldyq, halyqqa adal qyzmet etý. Osy jolda álemdik, halyqaralyq, otandyq deńgeıde biraz jumystar atqaryldy. Eńbegimiz halyq kóńilinen shyǵyp, izgi bastamanyń jarshysy boldy. Áli de damý ústindemiz, damýymyzdy toqtatpaımyz. Budan da bıik belesterdi baǵyndyramyz dep senemin» dedi Aıbek Asqarbekuly suhbatynda.
