Halal jármeńke jumysy pysyqtaldy (FOTO)
Almaty qalasynda QMDB Tóraǵasynyń orynbasary, naıb múftı Ershat Aǵybaıulynyń tóraǵalyǵymen «Halal Damý» uıymynyń jıyny ótti.
«QMDB HALAL» ónimder jármeńkesin pysyqtaýǵa arnalǵan jınalysqa «Halal Damý» dırektory Aıbek Asqarbekuly men ortalyq apparat qyzmetkerleri, halaldyń oblystyq jáne qalalyq jaýapty ókilderi qatysty.
Jıynda 28 mamyrkúni Almaty qalalyq ortalyq meshitiniń alańynda ótetin alǵashqy aýqymdy jármeńkege daıyndyq sharalary talqylanyp, negizgi mindetter men tapsyrmalar bekitildi.
«Kásipkerlik – el Ekonomıkasynyń negizgi qozǵaýshy kúshi. Adal jolmen kásip qylyp, elge qyzmet etý – Alla Taǵalanyń ár musylmanǵa júktegen mindeti. Al, el ıgiligi úshin adal ónim óndirip, tutynýshylar qoldanysyna usynatyn halal kásiporyndardy nasıhattaý – bizdiń mindetimiz. Halal ónimderdi halyq qatanystyrý maqsatynda uıymdastyrǵan alǵashqy aýqymdy jármeńkege pandemııalyq rejımge baılanysty elimizdiń Ońtústik óńirindegi kásiporyndar qatysady. Alaıda, jármeńke otandyq BAQ quraldary arqyly kórermenge tikeleı Efırde, onlaın rejımde usynylady. Sondyqtan, aýqymdy sharany óz deńgeıinde atqarýǵa tıispiz» dedi Ershat Aǵybaıuly.
«Halal ónimderdiń alǵashqy eń aýqymdy jármeńkesine elimizdiń ońtústik óńirindegi kásiporyndar qatysady. Jármeńkede óz ónimderin usynatyn qatysýshylardyń kópshiligi – otandyq eń úzdik óndirýshiler. Almaty oblysy, Almaty qalasy, Taldyqorǵan, Jambyl oblystyq kásiporyndardyń sút ónimderi, et, shujyq, balyq, muzdatylǵan jartylaı daıyn ónimder, sondaı-aq kondıterlik jáne snEk ónimder, bal, jańǵaq, keptirilgen jemister men kókenister, emdeý-profılaktıkalyq ónimder men dámdeýishter, zalalsyzdandyrǵysh jáne jýǵysh zattar usynylady. Sonymen qatar, halyqtyń jármeńkede «QMDB HALAL» ónimderdiń túrli assortımentin naryqtan tómen, qosymsha ústemesiz, tikeleı óndiristik baǵada alýǵa múmkindik jasaýdamyz» degen Aıbek Asqarbekuly jármeńkege daıyndyqtyń qyzý júrip jatqandyǵyn jetkzidi.
