Halyqaralyq konferentsııanyń úndeýi qabyldandy (FOTO)

26 qarasha 2020 2299 0
Оqý rejımi

Elordada ótip jatqan Qazaqstan musylmandary dinı basqarmasynyń 30 jyldyǵyna arnalǵan «Beıbitshilik pen rýhanı kelisimdi saqtaýdaǵy dinı ınstıtýttardyń róli» atty halyqaralyq ǵylymı-tájirıbelik onlaın konferentsııa qorytyndysy boıynsha arnaıy úndeý qabyldandy. Úndeýdi jıyn moderatory – QMDB Tóraǵasynyń orynbasary, naıb múftı Ershat Ońǵarov oqyp berdi. Úndeý mátini tómendegideı.

 Qurmetti otandastar!

Biz, din qaıratkerleri, dinı oqý oryndarynyń jetekshileri, Qazaqstan musylmandary dinı basqarmasynyń Ǵulamalar keńesi, zııaly qaýym ókilderi, «Beıbitshilik pen rýhanı kelisimdi saqtaýdaǵy dinı ınstıtýttardyń róli» atty halyqaralyq ǵylymı-tájirıbelik konferentsııaǵa qatysýshylar qoǵamda dinaralyq birlik pen tatýlyqty, tynyshtyq pen yntymaqty nyǵaıtýda dinı birlestikterdiń ornyn eskere kele, musylman qaýymyn barsha halyqtyń birtutas tarıhı jáne rýhanı-mádenı muralaryna qurmetpen qaraýǵa, dinı kelisim men birliktiń, toleranttylyq pen dinı tózimdiliktiń úlgilerin nasıhattaýǵa, dostyq qarym-qatynas, tatýlyq, beıbitshilik syndy barsha adamzatqa ortaq qundylyqtardy belsendi túrde qoldaýǵa, jahandyq jáne aımaqtyq keńistikte oryn alǵan teris dinı ıdeologııalarǵa qarsy turýǵa, jastardyń túrli toptar men dinı aǵymdardyń jetegine ketýine birlese tosqaýyl qoıýǵa, dinı Ekstremızm men radıkalızmniń aldyn alýǵa, dinı birlestikterdiń qaıyrymdylyq sharalaryna úles qosýǵa úndeımiz.

Sonymen qatar barsha din, Etnos ókilderi men buqaralyq aqparat quraldary qyzmetkerlerin, áleýmettik jeli qoldanýshylaryn ózgeler úshin qymbat bolǵan dinı qundylyqtarǵa qurmetpen qaraýǵa shaqyramyz. Bul rette ár azamattyń qoǵam aldyndaǵy moraldyq jaýapkershiligi joǵary bolýy tıis dep sanaımyz.

 Qurmetti din qyzmetkerleri!

Búginde qoǵamnyń dástúrli negizderine qaýip tónip jatqan kezeńde ıslamdyq baǵyttaǵy dinı birlestik, ortalyq ókilderi arasyndaǵy dıalogtyń ózektiligi kún sanap artýda.

Ásirese, álemdik pandemııa jaǵdaıynda din qyzmetkerleriniń rýhanı birligi, ortaq maqsaty aldyńǵy orynǵa shyqty. Biz, musylman úmbetiniń din qaıratkerleri, múftıleri pandemııa kezinde álemniń din kóshbasshylaryna Úndeý jasaǵan Qazaqstan musylmandary dinı basqarmasynyń tóraǵasy Naýryzbaı qajy Taǵanulynyń «Biz – birgemiz, tilegimiz – ortaq» dep atalatyn ıgi bastamasyn qoldaı otyryp, barsha adamzattyń amandyǵy men saýlyǵyn tileımiz.

Alla Taǵala jer betinen juqpaly indetti joıyp, beıbit ómirde júzdesýdi násip etkeı. Osy oraıda pandemııa jaǵdaıynda halyqqa qaltqysyz qyzmet etken barsha din ókilderine mol saýaptar tileımiz. Musylman áleminiń rýhanı tutastyǵy, birligi men yntymaǵy artyp, ıgi duǵa-tilekteri qabyl bolǵaı. Ámın!

Halyqaralyq konferentsııa jumysyna Qazaqstan múftıleri men shetel din qaıratkerleri, bilim-ǵylym salasynyń jetekshileri, zııaly qaýym ókilderi, dinı birlestik tóraǵalary, ımamdar men ustazdar qatysty. 

Qazaqstan Respýblıkasy
Nur-Sultan qalasy
25 qarasha 2020 jyl

 

Pіkіrler Kіrý