«Kóktal» meshiti: Qarttar úıinde rýhanı kezdesý ótti

«Kóktal» meshitiniń uıymdastyrýymen qarttar úıinde taǵylymdy rýhanı kezdesý uıymdastyryldy.

«Dástúr jáne otbasy qundylyǵy» bólimine jaýapty ustaz Hursan Berdimýratov qarııalarmen júzdesip, júrekke jyly tıetin nasıhat aıtyp, rýhanı áńgime órbitti.

Is-sharanyń negizgi maqsaty – qarttarǵa rýhanı qoldaý kórsetý, olardyń kóńil-kúıin kóterý jáne qoǵamdaǵy ornynyń erekshe ekenin sezindirý.

Ustaz óz sózinde ómirdiń máni, sabyr men shúkirshiliktiń mańyzy týraly aıtyp ótti. Sonymen qatar, ardaqty paıǵambarymyz Muhammedtiń (Oǵan Allanyń salaýaty men sálemi bolsyn) hadısterinen mysaldar keltirip, qandaı qıyndyq bolsa da sabyrmen qaraýdyń saýaby zor ekenin túsindirdi.

Kezdesý barysynda Quran aıattary oqylyp, duǵa jasaldy. Qarttarǵa jyly lebizder aıtylyp, olardyń kóńilderine qýanysh uıalady.