«Kóktal» meshitinde jastarǵa arnalǵan semınar ótti

Jastar tárbıesinde ádeptiń alatyn orny erekshe. Osy maqsatta «Kóktal» meshitiniń ustazy, Jastar isi sektoryna jaýapty maman Hursan Berdimuratovtyń muryndyq bolýymen jastarǵa arnalǵan semınar uıymdastyryldy.

Jıyn barysynda «Kóktal» meshitiniń bas ımamy Sabıt Ázimbekuly jastarǵa «Ádep – adam kórki» taqyrybynda nasıhat júrgizdi. Kórkem minez, úlkenge qurmet, kishige izet jáne sóz ádebi sekildi mańyzdy qundylyqtarǵa keńinen toqtaldy.

«Men kórkem minezdi tolyqtyrý úshin jiberildim» dep keletin hadıs tarmaqtary adam mineziniń kórkem bolýynyń mańyzdylyǵyn túsindiredi. Sondaı-aq «Jaqsy sóz aıt nemese úndeme», «Uıat – ımannan» degen joldar da adam tárbıesi men mádenıetiniń mánisin aıqyndaıdy.», – dep atap ótti bas ımam.

Kezdesý barysynda jastarǵa qoǵamda ózin durys ustaý, úlkenderdi qurmetteý, bos sózden aýlaq bolý jáne uıat sezimin saqtaý sııaqty izgi qasıetter nasıhattaldy.