Medrese-kolledjderdiń ekinshi jartyjyldyqqa daıyndyǵy pysyqtaldy (FOTO)
QMDB Dinı bilim jáne kadr daıyndaý bóliminiń uıymdastyrýymen múftııatqa qarasty medrese-kolledjderdiń 2020-2021 oqý jylynyń birinshi jarty jyldyǵynyń esebi boıynsha onlaın jıyn ótti.
Jıynǵa Dinı bilim jáne kadr daıyndaý bóliminiń meńgerýshisi Smaıyl Seıtbekov, bólim meńgerýshisiniń orynbasary Serikbol Arshabaev jáne medrese-kolledjderdiń dırektorlary qatysty.
Basqosýda 9 medrese kolledj-dırektory stýdentterdiń oqý úlgerimi, kýrs boıynsha stýdentter sany, ustazdar quramy, medrese saıtynyń jumysy, bilim jetildirý kýrstaryna qatysqandar, bıylǵy bitirgen túlekterdiń málimeti, taýassýf pániniń oqytý barysy sekildi birneshe máseleler boıynsha esep berdi.
Sondaı-aq Dinı bilim jáne kadr daıyndaý bóliminiń meńgerýshisi Smaıyl Seıtbekov oqý oryndarynyń 2020-2021 oqý jylynyń ekinshi jarty jyldyǵyna daıyndyq barysyn bilip, ustazdardyń áleýmettik máselesi, medrese-kolledjder saıtynyń jumysyn jandandyrý, málimetpen qamtamasyz etý, óndiristik praktıka, shtattyq keste, jýrnal toltyrý men sabaq kestesiniń tártibi, QMDB tarapynan qabyldanǵan 10 qujat boıynsha qosymsha dáris ótkizý t.b máselelerdi qadaǵalaýdy tapsyrdy.
