Mekke men Mádına qalalary sý astynda qaldy

Saýd Arabııasynda aptalap jaýǵan nóser kesirinen qasıetti qos shahar sý astynda qalyp, tosyn oqıǵa bes adamdy ómirden aǵyzyp áketken. 

Koroldiktiń Azamattyq qorǵanys basqarmasy topan sý saldarynan qaza bolǵandar qaı qalada ekenin ashyqtamaǵan. Alaıda, basqarma taratqan málimette sý tasqynynan aǵashtar men baǵdarshamdar qulap, joldar jabylyp, qozǵalys toqtaǵany aıtylǵan.

Jergilikti baspasóz málimetteri boıynsha, mundaı qalyń nóser Saýd Arabııasynda sońǵy 20 jyl ishinde bolmaǵan kórinedi. 28-qazanda bastalǵan jaýyn koroldiktiń Mekke, Mádına, Rııad, Haıl, Esh-Sharkıe, Asır, Jazan, El-Bah, El-Jevh qalalarynda áli kúnge tyıylmaǵan.

Meteorologııa jáne qorshaǵan orta basqarmasy azamattardy qaýipsizdikti saqtaýǵa jáne qatty qajettilik bolmasa úıden shyqpaýǵa shaqyrdy. Jańbyr jaýyp jatqan qalalarda taǵy da sý tasqyny bolýy múmkin degen eskertpe berildi.