Meshit shákirtteri arasynda bilim saıysy ótti (VIDEO+FOTO)
«Sádýaqas qajy Ǵylmanı» meshitinde shákirtter arasynda «Kórkem minez ıesi Muhammed (s.ǵ.s.)» atty bilim saıysy ótti.
Máýlit aıyna oraı ótkizilgen is-sharaǵa «Sádýaqas qajy Ǵylmanı» meshitiniń bas ımamy Rýslan Baızaqov arnaıy qatysyp, shákirtterge sáttilik tiledi. Sonymen birge, Paıǵambarymyzdyń (s.ǵ.s.) asyl ónegeleri men bilim alýdyń mán-mańyzy jaıly mazmundy sóz qozǵap, shákirtterdi jan-jaqty bilimdi, tulǵalyq jaǵynan úzdiksiz izdenip, damyp otyrýǵa úndedi.
Bilim saıysy aıasynda meshit ımamdary men ustazdarynyń shákirtterinen quralǵan komandalar qatysyp, Quran tájýıdi, Paıǵambarymyzdyń (s.ǵ.s.) ómir baıany, sharıǵat máseleleriniń kúndelikti ómirde jıi qoldanylatyn dáret, ǵusyl, namaz baptary boıynsha daıyndalǵan suraqtarǵa jaýap berdi.
Nátıjesinde, meshitimizdiń ustazy Serikbol Hamannyń shákirtterinen quralǵan «Álıf» komandasy I oryndy jeńip aldy. Al, naıb ımam Ońǵar Hırıdınovtyń shákirtterinen jasaqtalǵan “Ál-Kıtap” komandasy II oryn, naıb ımam Ádil Agıtaevtyń shákirtteriniń «Ihsan» komandasy III oryn ıelendi.
Jeńimpazdarǵa baǵaly dinı zattar men «Ihsan – rýhanı tárbıe negizi» atty kitap syıǵa berildi.
