Meshit janynan jańa stýdııa ashyldy (FOTO)
Búgin Taraz qalasynda Bas múftı Naýryzbaı qajy Taǵanuly, aımaq basshysy Berdibek Saparbaev jáne óńirdiń bas ımamy Beıbit Myrzageldıevtiń qatysýymen «Asyldin» stýdııasy ashyldy.
«Hıbatýlla Tarazı» meshiti janynan ashylǵan stýdııa arqyly halyqqa dinı beınejazbalar, qoǵam qaıratkerlerimen, din mamandarymen suhbattar uıymdastyrylyp, onlaın ýaǵyz-nasıhat kórermenge jol tartpaq.
Aıta keteıik, stýdııada túsirilim úshin arnaıy jasalyp, bezendirilgen birneshe bannerler, tipti áleýmettik jelide tikeleı Efır júrgizýge arnalǵan bóligi de bar. Ol jańa tehnıkamen, jaryq berý qurylǵylarmen qamtylǵan.
Sý jańa stýdııaǵa óz baǵasyn bergen oblys ákimi Berdibek Saparbaev: «Benzendirýdiń ózi múftııat pen dástúrimizdiń sabaqtastyǵyn nasıhattap tur. Byltyr Dinı basqarma «Rýhanı 7 qazyq» dep atalatyn qujatty tanystyrdy. Sol qujatta tárbıe, ónege, bilim bári qamtylǵan. Endeshe jańa stýdııa rýhanı tárbıeniń temirqazyǵyna aınalsyn», - dep atap ótti.
Jańa stýdııany tamashalaǵan Bas múftı dinniń nasıhaty jolynda talmaı eńbek ete berińder dep batasyn berdi.
