«Meıirimdilik mekeni» sharasy ótti (FOTO+VIDEO)
Elordadaǵy «Nur Astana» meshitinde «Meıirimdilik mekeni» qaıyrymdylyq sharasy ótti.
Is-shara barysynda erekshe kútimdi qajet etetin balalarǵa qamqorlyq tanytyp otyrǵan 7 otbasyna qarjylaı syı-syıapat jasaldy. Sharaǵa Nur-Sultan qalasynyń bas ımamy Erbolat Júsipov pen «Nur Astana» meshitiniń bas ımamy Nurlan Ramazanov qatysyp, kelgen otbasylarǵa aq tilegin aıtty.
Saýapty sharaǵa «Saýap» belsendiler toby demeý kórsetti. Aıta keteıik, «Saýap» belsendiler toby buǵan deıin de meshit qabyrǵasynda uıymdastyrylyp júrgen túrli qaıyrymdylyq sharanyń uıytqysy bolyp, qoldaý bildirip keledi.
Meshittiń bas ımamy Nurlan Ramazanov «Saýap» eriktiler tobynyń belsendilik tanytqan múshelerine alǵys bildirip, kásipteri men mal-dúnıesine bereke tiledi. Igi sharada erekshe kútimdi qajet etetin balalardyń emine dep berilgen qarajatqa ata-analar razy bolyp, «Saýap» toby múshelerine, meshit uyshymyna rızashylyq bildirdi.
