Mınıstr halal máselesin talqylady (FOTO)
Almaty oblysyna jumys sapary barysynda Saýda jáne ıntegratsııa mınıstri Baqyt Sultanov Almaty oblysynyń ákimi Amandyq Batalovpen birge tutynýshylar quqyǵyn qorǵaý jónindegi qoǵamdyq birlestikter, akkredıtteý sýbektileri jáne bıznes qaýymdastyqpen kezdesti.
Jıynǵa qatysqan QMDB «Halal Damý» dırektory Aıbek Asqarbekuly Elbasy tapsyrmasy boıynsha «Jol kartasy» baǵdarlamasynda kórsetilgen otandyq aýylsharýashylyq ónimderin halal tańbasymen shet elderge tasymaldaý máselesine baılanysty pikir bildirdi.
Sondaı-aq «Halal Damý» mekemesin Ultttyq akkredıtteý ortalyǵy men halyqaralyq ESMA uıymnan akkredıtteýden ótkizý, QMDB-ny akkredıtteý jumysyna beıtarap tarap retinde qatystyrý, saýda oryndarynda «QMDB halal» standarty boıynsha sertıfıkattalmaǵan ónimderdi taza, adal ónimdermen qatar satý sharalaryn júıelendirý máselelerin kóterdi.
Sonymen qatar kezdesý barysynda óńirlik kásipkerler palatasy, kásipkerlerge qyzmet kórsetý ortalyǵy men Atameken Business City qyzmeti týraly baıandady.
Óńirdegi mańyzdy bıznes bastamalardyń júzege asyrylý barysy men adamı kapıtaldy damytý salasyndaǵy jobalarmen tanystyrdy. Kásiporyndar janynan ashylǵan oqý ortalyqtarynyń jumysy, ózin-ózi jumyspen qamtyǵan azamattar men jańa kásip ıgergen mamandar sanynyń kórsetkishi, kásibı-tehnıkalyq bilim berý salasyna saraptama jasalyndy.
