«Munara» gazeti shyǵarmashylyq baıqaý jarııalady
Qazaqstan Respýblıkasy Táýelsizdiginiń 30 jyldyǵyna oraı respýblıkalyq «Munara» gazeti avtorlar men oqyrmandar arasynda «Erkindigim. Qasıettim. Qasterlim» atty shyǵarmashylyq baıqaý jarııalaıdy.
Baıqaýdyń maqsaty – ult tarıhynda óshpes iz qaldyrǵan kórnekti tulǵalardyń eńbegin nasıhattaý, Táýelsizdik jyldarynda elimizdiń qol jetkizgen jetistikterin nasıhattap, memleketimizdi nyǵaıtýǵa, elimizdi damytýǵa úles qosqan azamattarǵa laıyqty qurmet kórsetý. Tálimdik, tárbıelik máni bar maqalalar jazý arqyly olardy gazet oqyrmandaryna dáripteý.
Baıqaýdyń mindeti – gazet oqyrmandaryn yntalandyrý, shyǵarmashylyq izdenisin, qulshynysyn arttyrý, Táýelsizdiktiń ıgilikterin árbir oqyrmanǵa sezindirý.
Baıqaý sharttary:
Táýelsizdiktiń bárinen qymbat eń basty qundylyǵymyz ekenin dáripteıtin barlyq janrdaǵy (Esse, maqala, estelik, zertteý, suhbat, áserli áńgimeler t.b) shyǵarmalar qabyldanady. Sondaı-aq ult tarıhynda óshpes iz qaldyrǵan tarıhı tulǵalar, atap aıtqanda Jambyl Jabaevtyń 175 jyldyǵy, Álıhan Bókeıhannyń 155 jyldyǵy, Qajymuqan Muńaıtpasovtyń 150 jyldyǵy jáne Táýelsiz Qazaqstannyń negizin qalaýshy Tuńǵysh Prezıdentimizdiń tarıhı róli jaıly jazylǵan maqalalardy da joldaýǵa bolady.
Shyǵarmashylyq jumystar Microsoft Word túrinde joldanýy qajet. Maqala kólemi 14 shrıftpen, 1,0 ıntervalmen jazylýy jáne 4 betten aspaýy tıis.
Bir qatysýshy bir ǵana materıal jibere alady. Shyǵarmalar qazaq tilinde qabyldanady. Baıqaýǵa qatysýshylardyń jasyna shekteý qoıylmaıdy.
Báıgege qatysýshylar jumystaryna tolyq aty-jónin, telefon nómirin, meken-jaıyn jáne ózderi týraly qysqasha málimet qosyp, munara@muftyat.kz Elektrondy poshtasyna joldaýy qajet.
Baıqaý talaptary:
«Munara» gazetiniń «Erkindigim. Qasıettim. Qasterlim» atty shyǵarmashylyq baıqaýyna» degen belgimen qabyldanady. Baıqaýǵa qatysýshy «Munara» gazetine jazylǵan bolýy mindetti (túbirtegin birge joldaý qajet).
Shyǵarmashylyq jumystardy qabyldaý 2021 jyldyń 10 aqpanynda bastalyp 2021 jyldyń 10 qarashasynda (Nur-Sultan ýaqyty boıynsha saǵat 18.00-de) aıaqtalady.
Joǵaryda kórsetilgen taqyryptarǵa qatysy joq, elimizdi, tilimizdi, dinimizdi mansuqtaıtyn materıaldar qabyldanbaıdy. Shyǵarmalardyń mazmundy, kórkem, sapaly, obektıvti, kreatıvti jáne ózekti bolýyna asa mán beriledi.
Baıqaý barysy:
Baıqaý jeńimpazdaryn kásibı jýrnalısterden jáne din mamandarynan jasaqtalǵan qazylar alqasy anyqtaıdy.
Jeńimpazdar Táýelsizdik kúni qarsańynda (naqty ýaqyty qosymsha habarlanady) anyqtalyp, marapattalady.
Jeńimpaz avtorlar shyǵarmalary «Munara» gazetinde jarııalanady.
Júlde qory:
Birinshi oryn – Umra qajylyǵyna joldama.
Ekinshi oryn – 200 myń teńge.
Úshinshi oryn – 100 myń teńge.
Budan bólek 5 adamǵa aqshalaı yntalandyrý syılyǵy beriledi.
Uıymdastyrýshylar:
Qazaqstan musylmandary dinı basqarmasy men «Munara» gazetiniń redaktsııasy.
Redaktsııanyń meken-jaıy:
Nur-Sultan qalasy, Qarasaz kóshesi, 3.
