Murat Manapuly – Baspa jáne aýdarma bóliminiń meńgerýshisi (FOTO)
Qazaqstan musylmandary dinı basqarmasynyń tóraǵasy Serikbaı qajy Orazdyń buıryǵymen Murat Manapuly Ábdihalyqov Baspa jáne aýdarma bóliminiń meńgerýshisi qyzmetine taǵaıyndaldy.
«Murat Manapuly Ábdihalyqov QMDB Ǵalamtormen jumys bólimi meńgerýshisi qyzmetinen bosatylyp, Baspa jáne aýdarma bóliminiń meńgerýshisi qyzmetine taǵaıyndalsyn», – delingen buıryq mátininde.
Elordada ótken QMDB Ortalyq apparat jınalysynda Bas múftı Serikbaı qajy Satybaldyuly jańa bólimniń ashylǵanyn atap ótip, Murat Manapulynyń jumysyna sáttilik tiledi. Sonymen qatar, mazmundy kitaptardy aýdarý boıynsha naqty tapsyrmalar berdi.
Murat Manapuly Ábdihalyqov
1984 jyly Túrkistan (burynǵy OQO) oblysy, Tólebı aýdany, Alataý aýylynda týǵan. Orta mektepti atalǵan eldi mekende oqyǵan.
Bilimi men biliktiligi:
2001-2006 jyldary aralyǵynda Shymkent qalasyndaǵy Ońtústik Qazaqstan pedagogıkalyq ýnıversıtetin «Fılolog-shyǵystanýshy: arab tiliniń oqytýshysy» mamandyǵy boıynsha oqyp, úzdik aıaqtaǵan;
2006-2007 jyldary aralyǵynda QR Qarýly kúshteri qatarynda óziniń áskerı boryshyn ótegen;
2010-2012 jyldary aralyǵynda Almaty qalasyndaǵy Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń «Aýdarma isi: Ilespe aýdarmashy» biliktiligi boıynsha magıstratýrasyn tamamdap, Aýdarma isiniń magıstri ǵylymı dárejesin ıemdengen;
2015-2017 jyldary aralyǵynda Shet tilderi jáne iskerlik karera ýnıversıtetiniń «Dintaný» mamandyǵy boıynsha magıstratýrasynda oqyp, «Dintaný» magıstri ǵylymı dárejesin alǵan.
Eńbek joly:
2009-2010 jyldary aralyǵynda ártúrli basylymdarda, televızııa salasynda tilshi bolǵan;
2012-2013 jyldary aralyǵynda Abylaı han atyndaǵy Qazaq halyqaralyq qatynastar jáne álem tilderi ýnıversıtetinde oqytýshy bolǵan;
2013-2014 jyldary aralyǵynda Qazaqstan musylmandary dinı basqarmasy, Ýaǵyz-nasıhat jáne ǵalamtormen jumys bóliminiń mamany bolyp qyzmet atqarǵan;
2014-2019 jyldyń mamyr aıyna deıin Qazaqstan musylmandary dinı basqarmasy, Ǵalamtormen jumys bóliminiń meńgerýshisi bolyp eńbek etti;
2019 jyldyń mamyr aıynan bastap Qazaqstan musylmandary dinı basqarmasynyń tóraǵasy, Bas múftı Serikbaı qajy Orazdyń buıryǵymen Baspa jáne aýdarma bóliminiń meńgerýshisi qyzmetine taǵaıyndaldy.
Otbasy qurǵan, 2 balasy bar.
