Mysyrmen baılanys bekı túsedi (FOTO)
Búgin Almatyda Qazaqstan musylmandary dinı basqarmasynyń Tóraǵasy Naýryzbaı qajy Taǵanuly Mysyr Arab Respýblıkasynyń Ýaqyp vıtse-mınıstri Jabır Taıǵ Sultandy qabyldady.
Kezdesýde Qazaqstan jáne Mysyr elderi arasyndaǵy tarıhı-mádenı, rýhanı baılanysty arttyrý máselesi sóz boldy.
«Allaǵa shúkir, Qazaqstan jáne Mysyr arasyndaǵy baılanys jyl sanap artyp keledi. Bizdiń Sultan Beıbarys babamyz Mysyr eliniń órkenıetine úlken úles qosty. Jýyrda Mysyrǵa barǵan saparymda Sultan Beıbarys meshitine zııarat etip, qurylys jumysymen tanystym. Sultan Beıbarys meshiti Qazaqstan men Mysyr eli arasyndaǵy dinı hám mádenı baılanystyń sımvoly ispetti. Alla Taǵala baýyrlastyq baılanysymyzǵa bereke bersin» dep atap ótti Bas múftı Naýryzbaı qajy Taǵanuly.
