Naıb múftı halyqaralyq onlaın konferentsııaǵa qatysty (FOTO)
Búgin Álemdik jáne dástúrli dinder lıderleri Sezi Hatshylyǵynyń XIX otyrysy qarsańynda Birinshi halyqaralyq dóńgelek ústel uıymdastyryldy.
Is-sharany Syrtqy ister mınıstrligi men Aqparattyq jáne qoǵamdyq damý mınıstrliginiń qoldaýymen Qazaqstan Respýblıkasynyń Úndistan Respýblıkasyndaǵy Elshiligi Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵymen birlesip uıymdastyrdy.
Qazaqstan Respýblıkasy Táýelsizdiginiń 30 jyldyǵy men Álemdik jáne dástúrli dinder lıderleri Sezi Hatshylyǵynyń aldaǵy HIH otyrysy aıasynda Úndistandaǵy Somaıa Vıdıavıhar ýnıversıteti bazasynda «Pandemııa jaǵdaıynda qoǵam men memleketterdegi beıbitshilikti, kelisim men birlikti nyǵaıtýdaǵy álemdik jáne dástúrli dinder lıderleri Ceziniń róli» taqyrybynda ótken dóńgelek ústelge Ershat Aǵybaıuly onlaın qatysyp, baıandama jasady.
«Elimizde tynyshtyq pen birlik saltanat quryp, sútteı uıyǵan shańyraq astynda túrli Etnos pen konfessııa ókilderi Táýelsiz Qazaq elinde ómir súrip jatyr. Memleketimiz eshkimdi tili men dinine qarap bólmeıdi. Barlyq azamattarǵa teń múmkindik berý arqyly ishki jáne syrtqy turaqtylyqty nyǵaıtýǵa kúsh salyp otyr. «Birikken bitiredi, uıymdasqan utady» degen ulaǵatty sózde tereń mán bar. Ul men qyzdyń, óskeleń urpaqtyń erteńine alańdaǵan ultymyzdyń izgileri «Bereke basy – birlik» deý arqyly birlik pen tutastyqtyń mańyzdy ekenin túsindirip keledi», – dedi Ershat qajy Aǵybaıuly.
Dóńgelek ústelge Qazaqstannyń Úndistan Respýblıkasyndaǵy Tótenshe jáne Ókiletti Elshisi N.Jalǵasbaev, Konfessııaaralyq jáne órkenıetaralyq dıalogty damytý jónindegi N.Nazarbaevtyń ortalyǵynyń Basqarma Tóraǵasy, Álemdik jáne dástúrli dinder lıderleri seziniń maqsattary men mindetteri ilgeriletý jónindegi ýákil B.Sársenbaev, Arhıepıskop, Astanadaǵy Áýlıe Márııam eparhııasynyń mıtropolıti Tomash PEta arnaıy qatysty.
Eske sala keteıik, 2022 jyly Nur-Sultan qalasynda Álemdik jáne dástúrli dinder lıderleriniń VII sezi ótedi.
