Naıb múftı qaıyrymdylyq teleradıomarafonyna qatysty (FOTO)
QMDB Tóraǵasynyń orynbasary, naıb múftı Ershat Aǵybaıuly 1 maýsym – Halyqaralyq balalardy qorǵaý kúnine oraı «Qazaqstan» teleradıokorporatsııasy uıymdastyrǵan «Aınalaıyn» qaıyrymdylyq teleradıomarafonyna qatysty.
Jobanyń maqsaty – densaýlyǵyna baılanysty kómekke muqtaj balalarǵa kómek kórsetý.
Atalmysh teleradıomarafonyna Bas múftı Naýryzbaı qajy Taǵanulynyń bastamasymen Dinı basqarma da atsalysyp, naýqas balalardyń emine qoldaý kórsetti. Tikeleı Efırde naıb múftı Ershat Aǵybaıuly taǵdyr taýqymetin erte tartyp, syrqatqa shaldyqqan balalarǵa shıpa tilep, ata-analaryna úmit úzbeı, aýyrtpalyqqa moıymaýǵa shaqyrdy.
Aıta keteıik, járdemge muqtaj balǵyndar arasynda nefroblastoma dertimen kúresip kele jatqan 6 jasar elordalyq Alarnaz Ábdikárim, Túrkııada leıkozdan em alyp jatqan 4 jasar jezqazǵandyq Batyr Abın bar. Mıkrotııa jáne atrezııa dıagnozy qoıylǵan almatylyq 5 jasar sábı Álıma Jańabaı, Epılepsııa, gıpoplazııa dertine shaldyqqan 5 jasar Atyraý turǵyny Ámir Badakovtarǵa kómek kórsetildi.
