NAÝRYZ MEREKESINE ORAI «QAIYRYMDYLYQ JÁRMEŃKESI» ÓTTI (FOTO)
Ulystyń uly kúninde Elordadaǵy «Áziret Sultan» meshitinde arnaıy «Qaıyrymdylyq jármeńkesi» uıymdastyryldy. Merekeniń meıirin sezindire túsken jaımashýaq kún raıy da, kelýshilerdiń kóterińki kóńil-kúıleri de - meshit aýlasyndaǵy ulttyq merekeniń mańyzyn ańǵartyp, mereıin asyra tústi.
QMDB Astana ókildigi Áıel-qyzdar sektorynyń uıytqy bolýymen ótken «Qaıyrymdylyq jármeńkesinde» jaıylǵan tátti taǵamdar men ystyq tamaqtar, naýryzkóje syndy ulttyq taǵamdarymyz jamaǵattyń saýapqa toly saýda jasaýlaryna sebepker boldy. Sondaı-aq, merekelik sharaǵa arnaıy kelgen Bas múftı Naýryzbaı qajy Taǵanuly saýdaǵa bereke tilep, birshama kitaptar satyp aldy.
