Naýryzbaı qajy Taǵanuly 423-páter kiltin aýyl ımamyna tabystady (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly «Zeket jáne qaıyrymdylyq» qorynyń «El úlesi – páterge» qaıyrymdylyq jobasy aıasynda 423-páter kiltin aýyl ımamyna tabystady. Bul jolǵy páter Shyǵys Qazaqstan oblysy Kókpekti aýdany Úlgilimalshy aýylynyń ımamy Álimbek Bataıǵa buıyrdy.
Óskemen qalasyndaǵy «Halıfa Altaı» meshitinde ótken ıgi is-sharada Bas múftı Naýryzbaı qajy Taǵanuly: «Elimizdiń, jerimizdiń, dinimiz ben dástúrimizdiń ıgiligi jolynda aıanbaı qyzmet etip kele jatqan din qyzmetkerleri qashan da qurmetke laıyq. Imamdardyń áleýmettik máselesi- meniń basty nazarymda. Ózin-ózi qarajatpen qamtamasyz ete almaıtyn aýyl ımamdaryn qoldaý maqsatynda osy joly Úlgilimalshy eldimekeninde 10 jyldan astam eńbek etip kele jatqan, osyǵan deıin páter jaldap júrse de dinı qyzmette belsendilik tanytqan, kóp balanyń ákesi Álimbek Bataıǵa páter kiltin tabystap otyrmyz. Alla úıińizdi berekege toltyrsyn!» dedi.
