Naýryzbaı qajy Taǵanuly Elbasy quttyqtaý hatyn oqyp berdi (FOTO)
Búgin Bas múftı Naýryzbaı qajy Taǵanuly Almaty qalasynda Nur-Múbarak ýnıversıtetiniń 20 jyldyq mereıtoıyna arnalǵan «Ulttyq rýhanı tutastyqty damytýdaǵy dinı bilim berýdiń mańyzy» atty halyqaralyq ǵylymı-tájirıbelik konferentsııada Elbasy Nursultan Nazarbaevtyń quttyqtaý hatyn oqyp berdi.
«Elimizdegi joǵary bilim berý júıesinde aıryqsha orny bar irgeli dinı bilim uıasy – Nur-Múbarak Egıpet ıslam mádenıeti ýnıversıtetiniń 20 jyldyq mereıtoıy qutty bolsyn! Nur-Múbarak ýnıversıteti az jyldyń ishinde Qazaqstandaǵy shyn máninde rýhanı damý jáne aǵartý ortalyǵyna aınaldy. Oqý oshaǵy joǵary bilimdi ımamdar, ıslamtaný jáne dintaný salasy boıynsha arab, aǵylshyn tili mamandaryn daıarlap, el ıgiligine qaltqysyz qyzmet etip keledi. Ýnıversıtet ujymy men shákirtteri aldaǵy ýaqytta da elimizdegi beıbitshilik pen tatýlyqty saqtaý, dástúrli rýhanı qundylyqtarymyzdy jańǵyrtý isine bar qajyr-qaıratyn aıanbaı jumsaı beredi dep senemin. Barshańyzǵa zor densaýlyq, eńbekte tabys, bilim-ǵylym jolynda jarqyn jetistikter tileımin. Alla Taǵala elimizdi aman, táýelsizdigimizdi baıandy etsin!» delingen Elbasy quttyqtaý hatynda.
