Naýryzbaı qajy Taǵanuly «Imanǵalı» meshitinde juma ýaǵyzyn aıtty (FOTO)
Qazaqstan musylmandary dinı basqarmasynyń Tóraǵasy Naýryzbaı qajy Taǵanuly Atyraý oblysyna jasaǵan resmı saparynda «Imanǵalı» meshitinde juma ýaǵyzyn aıtty.
«Ulttar men ulystardyń jaratylý hıkmeti» taqyrybynda nasıhat aıtqan Bas múftı: «Alla Taǵala jer betinde ulttar men ulystardy hıkmetpen jaratqan. Allanyń bul hıkmeti bizdi bólinýge emes, kerisinshe bir-birimizdi tanýǵa, tatý ómir súrýge úndeıdi. Adam balasy qaýymdasyp ómir súrýge beıim jaratylǵan. Qoǵamda tynyshtyq pen tatýlyq bolmasa adam ómirinen bereke ketedi. Bizdiń babalarymyz: «Bir kún urys bolǵan úıden qyryq kún bereke ketedi» dep beker aıtpaǵan. Haq Taǵala barshamyzǵa birlik pen berekede ómir súrýdi násip etkeı», – dedi.
Sonymen qatar Bas múftı meshitke jınalǵan jamaǵatqa Qazaqstan musylmandary dinı basqarmasynyń jeti baǵyt boıynsha atqaryp jatqan jumystary jaıly baıandap, juma namazy sońynda el ıgiligi úshin duǵa jasady.
