Naýryzbaı qajy Taǵanuly Mekemtas Myrzahmetovpen suhbattasty (FOTO)
Shymkenttegi sapary barysynda QMDB Tóraǵasy, Bas múftı Naýryzbaı qajy Taǵanuly shahardaǵy M.Áýezov atyndaǵy Ońtústik Qazaqstan ýnıversıtetine arnaıy atbasyn buryp, bilim ordasynyń zamanaýı tynysymen tanysqan bolatyn. Eń aldymen ýnıversıtet ishindegi mýzeıdi aralap, keıin «Muhtartaný» ǵylymı ortalyǵyna keldi.
Munda Bas múftı atalǵan ortalyqtyń jetekshisi, ómiriniń 50 jyldan asa ýaqytyn Abaıtaný ilimine arnap kele jatqan belgili ǵalym, professor Mekemtas Myrzahmetovpen kezdesip, arnaıy suhbattasty.
Ǵalym Abaıtaný ilimindegi jańalyqtarymen bólisip, onyń ıhsan ilimi, din týraly jazbalary jaıly tilge tıek etti. Búginde óziniń bastaýymen ashylǵan «Muhtartaný» ǵylymı ortalyǵynyń jumysymen tanystyryp, ondaǵy ǵalymdardyń eńbegine toqtaldy. Suhbat sońynda Mekemtas Myrzahmetov óziniń sońǵy shyqqan jańa kitabyn Bas múftıge syıǵa tartty. Óz kezeginde Dinı basqarma tóraǵasy jasy 90-nan asqan abyz aqsaqalǵa densaýlyq tilep, alǵysyn jetkizdi.
